აშშ-ის პრეზიდენტის დონალდ ტრამპის მრჩეველი ეროვნული უსაფრთხოების საკითხებში მაიკ უოლცი აცხადებს, რომ მზადება მიმდინარეობს ამერიკასა და უკრაინას შორის მოლაპარაკებების ახალი რაუნდისთვის.
კითხვაზე აშშ-ის მიერ უკრაინასთან სადაზვერვო ინფორმაციების გაზიარების შეჩერების შესახებ, უოლცმა თქვა, რომ ამერიკულმა მხარემ „გადადგა ნაბიჯი უკან და აპაუზებს და განიხილავს ამ ურთიერთობის ყველა ასპექტს“.
„თუმცა, მე მხოლოდ სატელეფონო საუბარი მქონდა ჩემს კოლეგასთან, მრჩეველთან უკრაინის ეროვნული უსაფრთხოების საკითხებში. ჩვენ კარგ მოლაპარაკებებს ვაწარმოებთ მოლაპარაკებების შემდეგი რაუნდის ადგილის, დელეგაციების შემადგენლობასა და შინაარსზე. ასე რომ, ზელენსკის საჯარო განცხადებიდან ბოლო 24 საათის შემდეგ და ამ შემდგომი საუბრების, რომელსაც ახლა შიგნით გავაგრძელებ დაბრუნების შემდეგ, ვფიქრობ, მოძრაობას ძალიან მალე დავინახავთ“, - თქვა უოლცმა.
უკრაინის პრეზიდენტის მრჩეველმა დმიტრო ლიტვინმა უკრაინულ მედიასთან მიცემულ კომენტარში დაადასტურა, რომ პრეზიდენტის ოფისის ხელმძღვანელმა ანდრი ერმაკი ესაუბრა უოლცს.
მანამდე უოლცი აცხადებდა, რომ უკრაინის სამხედრო დახმარების აღდგენა შეიძლება განიხილებოდეს სამშვიდობო მოლაპარაკებების ორგანიზებაში წარმატების შემთხვევაში, ასევე, თუ მიიღებოდა ზომები „ნდობის გასაძლიერებლად“.
