აშშ-ის საჰაერო ძალების თვითმფრინავი, რომელშიც სახელმწიფო მდივანი მარკო რუბიო და სენატის საგარეო ურთიერთობათა კომიტეტის თავმჯდომარე ჯიმ რიში იმყოფებოდნენ, ტექნიკური პრობლემის გამო იძულებული გახდა ვაშინგტონში დაბრუნებულიყო. იუწყება Associated Press
რუბიო და რიში გერმანიაში მიუნხენის უსაფრთხოების კონფერენციაზე დასასწრებად მიემგზავრებოდნენ.
AP-ის ცნობით, შემთხვევა ხუთშაბათს გვიან საღამოს მოხდა. ენდრიუს ბაზიდან აფრენიდან დაახლოებით 90 წუთის შემდეგ, Boeing 757-ს, შეექმნა პრობლემა პილოტების კაბინის საქარე მინასთან დაკავშირებით.
ამის გამო თვითმფრინავი იძულებული გახდა სამხედრო ბაზაზე დაბრუნებულიყო.
აშშ-ის სახელმწიფო დეპარტამენტის სპიკერმა, ტემი ბრიუსმა დაადასტურა ინციდენტი და თქვა, რომ რუბიო გერმანიასა და ახლო აღმოსავლეთში სხვა თვითმფრინავით ჩავა
„ჯერ გაურკვეველია, იმოქმედებს თუ არა შეფერხება სახელმწიფო მდივან რუბიოსა და ვიცე-პრეზიდენტის ჯეი დი ვენსის შეხვედრაზე უკრაინის პრეზიდენტ ვოლოდიმირ ზელენსკისთან, რომელიც მიუნხენში პარასკევს დილით არის დაგეგმილი.
