კრემლის პრესსპიკერმა დმიტრი პესკოვმა განაცხადა, რომ რუსეთმა შეერთებულ შტატებთან მოლაპარაკებების ჯგუფის შექმნა დაიწყო აშშ-ის პრეზიდენტ დონალდ ტრამპსა და რუსეთის პრეზიდენტ ვლადიმირ პუტინს შორის 12 თებერვალს საუბრის შემდეგ.
„რა თქმა უნდა, დაწყებულია მუშაობა [მომლაპარაკებელთა ჯგუფის შექმნაზე] როგორც კი პრეზიდენტი მიიღებს შესაბამის გადაწყვეტილებას, შეგატყობინებთ“, - განუცხადა პესკოვმა ჟურნალისტებს.
მისი თქმით, პუტინის გადაწყვეტილება შემადგენლობის შესახებ მოგვიანებით გახდება ცნობილი.
პესკოვმა ასევე აღნიშნა, რომ ჯერ არ არსებობს კონკრეტული შეთანხმებები ამერიკელი მომლაპარაკებლების რუსეთში შესაძლო ვიზიტზე, მაგრამ დასძინა, რომ პუტინი და ტრამპი შეთანხმდნენ გააგრძელონ კონტაქტები როგორც მათ შორის, ასევე თანაშემწეების დონეზე.
