გერმანიის ქალაქ მიუნხენში ავტომობილი ხალხში შევარდა, არიან დაშავებულები. იტყობინება ქალაქის პოლიცია.
Bild-ის ცნობით, სულ მცირე 15 ადამიანი დაშავდა.
შემთხვევის ადგილიდან სოციალურ ქსელებში გამოქვეყნებული კადრების თანახმად, მძღოლი მინი კუპერს მართავდა.
მედიაკომპანია Bayerischer Rundfunk იუწყება, რომ ავტომობილი პროფკავშირ Ver.di-ს მიერ ორგანიზებულ გაფიცვის მონაწილეებს დაეჯახა.
ერთ-ერთმა თვითმხილველმა თქვა, რომ მანქანა შეგნებულად შევარდა ხალხში. სხვა თვითმხილველები ამბობენ, რომ პოლიციამ მძღოლს ესროლა. თავის მხრივ, პოლიციამ განაცხადა, რომ მძღოლი ცოცხალი იყო და დააკავეს.
