დიდი ბრიტანეთის მთავრობამ შესაძლოა, ისრაელის პრემიერ-მინისტრის ბენიამინ ნეთანიაჰუს დააპატიმროს სისხლის სამართლის საერთაშორისო სასამართლოს ორდერის საფუძველზე, თუ ის ქვეყანაში ჩავა. ამის შესახებ მინისტრთა კაბინეტის წარმომადგენელმა განაცხადა.
ჟურნალისტებმა დიდი ბრიტანეთის პრემიერ-მინისტრის პრესმდივანს ჰკითხეს, დააპატიმრებენ თუ არა ნეთანიაჰუს დიდ ბრიტანეთში ვიზიტის შემთხვევაში.
საპასუხოდ მან თქვა, რომ კომენტარს არ გააკეთებს „ჰიპოთეტურ სცენარებზე“, მაგრამ დასძინა: „მთავრობა შეასრულებს კანონით ნაკისრ ვალდებულებებს და იურიდიულ ვალდებულებებს“.
ბრიტანეთის მთავრობაში ასევე აცხადებენ, რომ პატივს სცემენ სისხლის სამართლის საერთაშორისო სასამართლოს დამოუკიდებლობას, რომელიც არის უპირველესი საერთაშორისო ინსტიტუტი საერთაშორისო ინტერესის ყველაზე მძიმე დანაშაულების გამოძიებისა და სისხლისსამართლებრივი დევნისთვის.
შეგახსენებთ, მართლმსაჯულების საერთაშორისო სასამართლომ ბენიამინ ნეთანიაჰუს, იოავ გალანტისა და „ჰამასის“ ლიდერის, მოჰამედ დეიფის დაკავების ორდერი გასცა.
