რუსეთ-საქართველოს ომის საკითხზე კონფერენცია მოეწყო. კონფერენციის ორგანიზატორი აფხაზეთის მთავრობა იყო. შეხვედრის მონაწილეებმა აფხაზეთსა და ე.წ. სამხრეთ ოსეთში შექმნილ ვითარებაზე იმსჯელეს.
კონფერენციაში მონაწილეობა ქართველ ჟურნალისტებთან და ექსპერტებთან ერთად, ცნობილმა რუსმა ჟურნალისტმა, ექსტრემალური ჟურნალისტიკის ცენტრის დირექტორმა ოლეგ პანფილოვმაც მიიღო.
შეხვედრაზე პანფილოვმა აფხაზეთში შექმნილ ვითარებაზე ისაუბრა. ჟურნალისტის თქმით, საქართველომ ყველაფერი უნდა გააკეთოს, რათა ოკუპირებულ ტერიტორიებზე ქართული ინფორმაციის გავრცელება მოხდეს.
პანფილოვი ამბობს, რომ უამრავი ადამიანი, რომელიც აფხაზეთსა და ე.წ. სამხრეთ ოსეთში ცხოვრობს, საინფორმაციო ვაკუუმშია.
