26 ოქტომბრის შემდეგ, როდესაც ჩვენ ყველა ერთად გავისტუმრებთ ივანიშვილს და მის ამ მაფიოზურ ოლიგარქიულ ბოროტ მმართველობას, ერთხელ და სამუდამოდ დაფასდება კახელი მევენახის შრომა - ამის შესახებ „ერთიანობა ნაციონალური მოძრაობის” რეგიონულმა მდივანმა, გიორგი ბოტკოველმა კახეთში გამართულ ღონისძიებაზე განაცხადა.

მისი თქმით, რქაწითლის შემთხვევაში ყურძნის ფასი იქნება ორი ლარი, ორ ლარი და 50 თეთრი, საფერავის შემთხვევაში - სამი ლარი, სამი ლარი და 50 თეთრი.

„ივანიშვილმა ფეხქვეშ გათელა იმ ადამიანების შრომის ფასი, რომელსაც რეალურად უნდა ჰქონდეს შემოსავალი და ჩვენ ვნახეთ თუ როგორ უდგება ივანიშვილი  და მისი ხელისუფლება განსაკუთრებით კახეთში იმ ადამიანებს, ვინც მთავარი დოვლათი უნდა შექმნან და მთავარი შემოსავალი უნდა მისცენ ჩვენს ქვეყანას.

ჩვენ წლების განმავლობაში ვსაუბრობდით ფასზე, რომელი ფასიც არ შეესაბამებოდა იმ რეალობას, რა რეალობაც არის ქვეყანაში და სწორედ ჩვენი პირობა არის ის, რომ დაფასდეს კახელი მშრომელი მევენახის შრომა და მე დარწმუნებული ვარ, რომ ეს ასე იქნება და 2024 წლის 26 ოქტომბრის შემდეგ, როდესაც ჩვენ ყველა ერთად გავისტუმრებთ ივანიშვილს და მის ამ მაფიოზურ ოლიგარქიულ ბოროტ მმართველობას, ერთხელ და სამუდამოდ დაფასდება და ყურძენს ექნება ფასი - რქაწითლის შემთხვევაში იქნება ორი ლარი, ორ-ლარ ნახევარი, საფერავის შემთხვევაში იქნება სამი ლარი, სამ-ლარ ნახევარი.

ჩვენ ახლა ვართ ნაფარეულში, სადაც წლების განმავლობაში გვახსოვს, რომ იყო ზონობრივი მიდგომა. ფაქტობრივად, ეს ყველაფერიც დაივიწყეს და აქტიური ყურადღება უნდა მივაქციოთ ამ საკითხს. ჩვენ გვახსოვს 2012 წლამდე თუ როგორი მიდგომა იყო მიხეილ სააკაშვილის მხრიდან და თამამად შემიძლია ვთქვა, რომ მიხეილ სააკაშვილი იყო სწორედ მშრომელი ადამიანის პრეზიდენტი. ის აფასებდა თითოეული ადამიანის შრომას და მისი ფასი იცოდა. ივანიშვილი და მისი მთავრობა არიან საკუთარი თავისთვის. ჩინოვნიკები, რომლებიც მხოლოდ და მხოლოდ თვითონ იღებენ შემოსავალს, ისინი იპარავენ ფულს, ისინი მდიდრდებიან და თითოეული თქვენგანი, რომლებიც წლიდან წლამდე, დღიდან დღემდე შრომობთ, ასე დაუფასებელი რჩება.

დარწმუნებული ვარ, რომ 26 ოქტომბერი იქნება ის თარიღი, როდესაც ქვეყანაში დასრულდება ის მანკიერი მიდგომები, რომლებიც აქვს ივანიშვილს და მის მაფიოზურ მმართველობას. 26 ოქტომბრის შემდეგ ჩვენ დავიწყებთ მოლაპარაკებებს ევროკავშირთან. 14 მილიარდი, რომელზეც ასე ხშირად ვსაუბრობთ, ძალიან დიდი წილი მიდის სოფლის მეურნეობაზე, სწორედ ეს მიმართულება იქნება ჩვენთვის პრიორიტეტი და ჩვენ კახურ ღვინოს გავხდით ისეთ წარმატებულს, პოპულარულს, რომელიც შვებას მისცემს ქართველ გლეხს და ამ შრომას დააფასებს.“- განაცხადა გიორგი ბოტკოველმა.