საქართველოს პარლამენტის თავმჯდომარის მოადგილე გიორგი წერეთელი ჯანდაცვის სფეროს წარმომადგენლობით დელეგაციასთან ერთად იმყოფება ჩილეში სამუშაო ვიზიტით, რომელიც მსოფლიო ბანკის მხარდაჭერით განხორციელდა.
დელეგაციის შემდგენლობაში არიან: შრომის, ჯანმრთელობისა და სოციალური დაცვის (შჯსდ) მინისტრი ანდრია ურუშაძე, შჯსდ მინისტრის პირველი მოადგილე ირაკლი გიორგობიანი, შჯსდ მინისტრის მოადგილე მორის წამალაშვილი, აჭარის შჯსდ მინისტრი ლევან ანთაძე, ქ. თბილისის სოციალური სამსახურის ხელმძღვანელი მამუკა ქაცარავა და პარლამენტის წევრი სერგო ქიტიაშვილი. ვიზიტის ძირითადი მიზანია ჩილეს ჯანდაცვისა და სოციალური სფეროს რეფორმების გაზიარება.
ვიზიტის ფარგლებში შეხვედრები გაიმართა ჩილეს ჯანდაცვის და სოციალური დაცვის მინისტრებთან, ასევე სახელმწიფო და კერძო სადაზღვევო ფონდების ხელმძღვანელებთან და სამედიცინო დაწესებულებებთან (ჰოსპიტალები და პირველადი ჯანდაცვის დაწესებულებები). დელეგაციის წევრები ასევე შეხვდნენ ჩილეს ჯანდაცვის საპრეზიდენტო კომიტეტის წევრებს. შეხვედრების ძირითადი თემა იყო ჩილეს რეფორმების ანალიზი, საქართველოში არსებული ვითარება და განვითარების პერსპექტივები, მომავალი თანამშრომლობის გეგმები. ამას გარდა, ჩილეს მთავრობის წარმომადგენლებთან შეხვედრებისას საქართველოს დელეგაციიის მხრიდან გამოითქვა სამადლობელი ოკუპირებული ტერიტორიების არაღიარებასთან და ჩილეს პოლიტიკურ მხარდაჭერასთან დაკავშირებით.