"ამ დღის აღნიშვნა ყოველწლიურად არა მარტო ლიტვაში, არამედ მსოფლიოს მრავალ ადგილას ხდება. სწორედ ამ დღეს, მსოფლიოს ისტორიაში პირველად მოქალაქეებმა შიშველი ხელებით შეძლეს ტანკების შეჩერება. ჩვენ შევძელით და საბჭოეთს არ მივეცით საშუალება ლიტვის კანონიერად არჩეული ხელისუფლება დაემხო. მე ძალიან მეამაყება იმ ადამიანების, ვინც ეს შეძლო. ეს იმას ნიშნავს, რომ ისტორიას უბრალო, მაგრამ გმირი ადამიანები ქმნიან. ძალა ერთობაშია და მაშინ სხვადასხვა ერის წარმომადგენლები ერთად იყვნენ, მათ შორის ქართველებიც. მინდა ჩემი მადლიერება გამოვხატო იმ პერიოდში საქართველოს მხრიდან გამოხატული მხარდაჭერის გამო", - განუცხადა იონას პასლაუსკასმა ჟურნალისტებს.

შეგახსენებთ, რომ დღეს ლიტვის ტრაგედიიდან 20 წელი გავიდა. 1991 წლის 13 იანვარს ვილნიუსში, დამოუკიდებლობის გამოცხადებიდან 9 თვის თავზე საბჭოთა ჯარი ლიტვისთვის დამოუკიდებლობის წართმევას ძალისმიერი მეთოდებით შეეცადა, რასაც 14 მშვიდობიანი მოქალაქის სიცოცხლე შეეწირა.