ამერიკელი სენატორის ჯოზეფ ლიბერმანის განცხადებით, შეერთებულმა შტატებმა საქართველო თავდაცვითი იარაღით უნდა უზრუნველყოს.
"ახლახანს მე და სენატორი მაკკეინი ვსაუბრობდით, რომ შეერთებულმა შტატებმა უნდა უზრუნველყოს საქართველო თავდაცვითი იარაღით, იმისთვის რომ მან თავი დაიცვას რუსი ოკუპანტებისგან", - განაცხადა ლიბერმანმა საქართველოს პრეზიდენტ მიხეილ სააკაშვილთან შეხვედრისას.
მისივე განმარტებით, "ეს ის მცირედია, რაც აშშ-ს შეუძლია საქართველოსთვის გააკეთოს".
"ჩვენ ძალზედ ვაფასებთ ევროპაში თქვენს მიერ გამოთქმულ ინიციატივას, რომ საქართველო არ აპირებს ძალის გამოყენებას და იარაღი გჭირდებათ მხოლოდ იმიტომ, რომ დაიცვათ საკუთარი ტერიტორია", - განმარტა მან.
შეგახსენებთ, რომ მიხეილ სააკაშვილი ვაშინგტონში იმყოფება, სადაც უკვე რიგი შეხვედრა გამართა.
