"საქართველო არის ქვეყანა, რომელმაც აგრესიიდან 3 წლის შემდეგ მოახერხა გამხარიყო ყველაზე გამორჩეული", - ამის შესახებ პრეზიდენტმა სააკაშვილმა ვაშინგტონში, სენატორ ჯოზეფ ლიბერმანთან შეხვედრისას განაცხადა.
"კორუფციასთან ბრძოლის მაჩვენებლით ჩვენ პირველ ადგილზე ვართ. ჩვენ ნომერ პირველ რეფორმატორ ქვეყნად დაგვასახელეს მსოფლიო ბანკის კვლევის მიხედვითაც. გვაქვს მყარი ეკონომიკური ზრდა. გვყავს ადამიანები, რომლებსაც სჯერათ საკუთარი მომავლის. როცა, შეხვედრებისას ამ ყველაფერზე ვყვები, მეკითხებიან, როგორ არის ეს შესაძლებელი? ამას რაციონალური ახსნა არ აქვს. ზოგჯერ არარაციონალურიც ხდება. ვფიქრობ, რომ ირაციონალურები ვართ", - განმარტა სააკაშვილმა.
ამასთან, საქართველოში განხორციელებული რუსული აგრესიაც მიმოიხილა და აღნიშნა, რომ საბოლოოდ ბოროტზე კეთილი გაიმარჯვებს.
"მთელი ჩემი სიცოცხლე მჯეროდა, რომ საბოლოოდ კეთილი გაიმარჯვებს და მჯერა, ამ შემთხვევაშიც ასე მოხდება", - დასძინა სააკაშვილმა.