ბელორუსიის პრეზიდენტ ალექსანდრე ლუკაშენკოს ინაუგურაციაზე არცერთი რუსი პოლიტიკოსი და ოფიციალური პირი მიწევეული არ არის. ამის შესახებ დღეს რუსეთის ფედერაციის საგარეო საქმეთა მინისტრმა სერგეი ლავროვმა განაცხადა.
"გულახდილად გითხრათ, ინაუგურაციაზე ვინმეს მიწვევის შესახებ არაფერი მსმენია. სიმართლე გითხრათ, ბელორუსიის პროტოკოლის სისტემის შესახებაც არაფერი ვიცი. მაგალითისთვის, ჩვენთან უცხოეთის წარმომადგენლობას ინაუგურაციაზე არ იწვევენ. ასე რომ, არ გამიგია, რომ ინაუგურაციაზე რუსეთიდან ვინმე მიეწვიოთ,"_აღნიშნა სერგეი ლავროვმა.
შეგახსენებთ, ალექსანდრე ლუკაშენკომ ამომრჩეველთა ხმების 79, 65% გასული წლის 19 დეკემბერს მოიპოვა. ლუკაშენკო პრეზიდენტის პოსტზე 1994 წლიდანაა.
მასალის გამოყენების პირობები
