- სპორტი 29 აგვისტო 2024, 07:15
პარიზში ზაფხულის მე-17 პარალიმპიური თამაშების გახსნის ცერემონია გაიმართა [ფოტო]
![პარიზში ზაფხულის მე-17 პარალიმპიური თამაშების გახსნის ცერემონია გაიმართა [ფოტო]](https://ghn.ge/img/uploads/files/news/2024-08/499458572.png)
პარიზში გაიხსნა ზაფხულის მე-17 პარალიმპიური თამაშები, რომელიც 8 სექტემბრის ჩათვლით გაგრძელდება.
ზაფხულის თამაშებზე საქართველო სპორტის ექვს სახეობაში 14 პარასპორტსმენით იქნება წარმოდგენილი.
შეჯიბრების პირველ დღეს, 29 აგვისტოს მედლების 22 კომპლექტი გათამაშდება, ქართველთაგან პირველი ტაეკვონდოისტები – ანა ჯაფარიძე და ლია ჩაჩიბაია იასპარეზებენ.
საქართველოს პარალიმპიელთა ნაკრების შემადგენლობა:
ეტლით ფარიკაობა – ნინო თიბილაშვილი, ირმა ხეცურიანი;
პარამძლეოსნობა – გიგა ოჩხიკიძე, დავით ქავთარაძე;
პარატაეკვონდო – ანა ჯაფარიძე (52 კგ), ლია ჩაჩიბაია (47 კგ), გიორგი ნიკოლაძე (70 კგ);
პარაძიუდო – ინა ქალდანი (70 კგ), ზურაბ ზურაბიანი (60 კგ), გიორგი ქალდანი (70 კგ), ლაშა ყიზილაშვილი (90 კგ), რევაზ ჩიკოიძე (+90 კგ);
პარასროლა – ლადო ჭინჭარაული;
პარაწოლჭიმი – აკაკი ჯინჭარაძე (+107 კგ).
