საფრანგეთისა და არაბეთის გაერთიანებული საამიროების სადაზვერვო სამსახურებმა 2017 წელს გატეხეს Telegram-ის დამფუძნებლის, პაველ დუროვის iPhone. ამის შესახებ ამერიკული გაზეთი The Wall Street Journal (WSJ) წყაროებზე დაყრდნობით იტყობინება.
გამოცემის თანამოსაუბრეების თქმით,Telegram-ის გატეხვა სადაზვერვო სამსახურების გრძელვადიანი ამოცანა იყო, რადგან საფრანგეთის ხელისუფლებას ეჭვი ჰქონდაTelegram-ის მიმართ და უკიდურესად შეშფოთებული იყო, რომ ჯიჰადისტური დაჯგუფება „ისლამური სახელმწიფო“ იყენებდა მას მებრძოლების გადაბირებისა და ტერაქტების ორგანიზებისთვის.
2018 წელს საფრანგეთის პრეზიდენტმა ემანუელ მაკრონმა პაველ დუროვს შესთავაზა Telegram-ის სათაბო ოფისი პარიზში გადაეტანა, მაგრამ მან უარი განაცხადა.
WSJ-ს წყარომ, რომლისთვისაც ცნობილი იყო ამ შეხვედრის შესახებ განაცხადა, რომ საუბრის ერთ-ერთი თემა იყო დუროვის საფრანგეთის მოქალაქეობის მინიჭების საკითხიც.
საფრანგეთმა და არაბეთის გაერთიანებულმა გაერთიანებულმა საამიროებმა პაველ დუროვს მოქალაქეობა 2021 წელს მიანიჭეს.
26 აგვისტოს საფრანგეთის პოლიციამ დუროვი პარიზის აეროპორტში დააკავა და 48-საათიანი წინასწარი პატიმრობა შეუფარდა. თუმცა, 27 აგვისტოს პარიზის პროკურატურამ დაკავებულ რუს ბიზნესმენს ოფიციალურად ბრალი წაუყენა. მესენჯერ Telegram-ის მფლობელისა და შემქმნელის გასამართლებას, პროკურატურა შემდეგი 12 მუხლით ითხოვს:
არაკანონიერი ტრანზაქციების გატარების მიზნით ონლაინ პლატფორმის შექმნა და ადმინისტრირება;
სამართალდამცავებისთვის ინფორმაციის მიწოდებაზე უარის თქმა;
არასრულწლოვანთა პორნოგრაფიული მასალის შენახვაში თანამონაწილეობა;
ორგანიზებული ჯგუფის მიერ არასრულწლოვანთა პორნოგრაფიის გავრცელებაში თანამონაწილეობა;
ნარკოტიკების გავრცელებაში თანამონაწილეობა;
ჰაკერული პროგრამების გავრცელებაში თანამონაწილეობა;
ორგანიზებული ჯგუფის მიერ ჩადენილ თაღლითობაში თანამონაწილეობა;
დანაშაულის ჩადენის მიზნით ორგანიზებული ჯგუფის შექმნაში თანამონაწილეობა;
ფული გათეთრებაში თანამონაწილეობა;
კრიპტოგრაფიული მომსახურების გაწევა დეკლარირების გარეშე;
უკანონო კრიპტოგრაფიული ინფორმაციის მიწოდება;
უკანონო კრიპტოგრაფიული საშუალებების იმპორტი;
„
