ნეპალში წვიმისგან ადიდებულ მდინარეში ტურისტული ავტობუსი ჩავარდა. დაიღუპა სულ მცირე, 27 ადამიანი, 16 კი დაშავდა. იუწყება Reuters
გავრცელებული ინფორმაციით, ავტობუსს 43 ინდოელი ტურისტი გადაჰყავდა.
სამძებრო-სამაშველო სამუშაოების შედეგად მაშველებმა მარსიანგდის მდინარიდან 22 ადამიანი გადაარჩინეს. საავადმყოფოში, სულ მცირე, 6 ადამიანი დაიღუპა. ტურისტები ნეპალის დედაქალაქ კატმანდუსკენ მიემართებოდნენ.
მედიის ინფორმაციით, ინდოეთის შტატმა, სადაც ტურისტები ავტობუსზე ავიდნენ, შემთხვევის ადგილას სამაშველო სამუშაოების კოორდინირებისთვის ოფიციალური წარმომადგენელი გაგზავნა.
მედია აღნიშნავს, რომ შემთხვევამ მან კვლავ გააჩინა კითხვები რეგიონში სატრანსპორტო ინფრასტრუქტურისა და საგზაო უსაფრთხოების შესახებ. ხელისუფლება ხაზს უსვამს საჭირო ზომების მიღებას მსგავსი ავარიების თავიდან ასაცილებლად.
