უკრაინული მედიის ცნობით, ინდოეთის პრემიერ-მინისტრმა ნარენდრა მოდიმ უკრაინის პრეზიდენტ ვოლოდიმირ ზელენსკის განუცხადა, შეხვდედრის დროს თუ ცდილობდა დაერწმუნებინა ომის დასრულებაში რუსეთის ლიდერი ვლადიმირ პუტინი.
„გასულ თვეში, როცა რუსეთში ჩავედი, პუტინს ძალიან მკაფიოდ ვუთხარი, რომ ბრძოლის ველზე პრობლემების მოგვარება შეუძლებელია. პრობლემების გადაჭრის ერთადერთი გზა დიალოგი და დიპლომატიაა და დროის დაკარგვის გარეშე უნდა ვიმოქმედოთ ამ მიმართულებით.
ორივე მხარეს მოუწევს ერთად დასხდნენ და გამონახონ გამოსავალი ამ კრიზისიდან“, - განაცხადა მოდიმ.
ინდოეთის მთავრობის მეთაურმა მოკლედ ისაუბრა პუტინთან სხვა, ორი წლის წინ სამარყანდში (უზბეკეთი) გამართულ შეხვედრაზეც. ”მე ვუთხარი მას (პუტინს) თვალებში ვუყურებდი, მედიის წინაშე, რომ ეს არ არის ომის ეპოქა”, - თქვა მოდიმ.
ინდოეთის პრემიერ-მინისტრი ნარენდრა მოდი უკრაინაში დღეს, 23 აგვისტოს ჩავიდა. დამოუკიდებლობის შემდეგ ეს ინდოეთის პრემიერ-მინისტრის პირველი ოფიციალური ვიზიტია უკრაინაში.
მოდი შეხვდა ზელენსკის, ერთად პატივი მიაგეს უკრაინის ისტორიის ეროვნული მუზეუმის ტერიტორიაზე რუსული აგრესიის შედეგად დაღუპულ ბავშვებს.
ასევე, შეხვედრაზე უკრაინასა და ინდოეთს შორის შეთანხმდნენ თანამშრომლობის შესახებ სამედიცინო, სოფლის მეურნეობის, ჰუმანიტარულ და კულტურულ სფეროებში.
