საქართველოს პრემიერ-მინისტრი ნიკა გილაური ავსტრიას სტუმრობდა.
როგორც "ჯი-ეიჩ-ენს" პრემიერის პრესსაპიკერმა ნიკო მჭედლიშვილმა განუცხადა, ნიკა გილაურის ავსტრიაში ვიზიტი 6 იანვარს დაიწყო და დღეს დასრულდა.
ვიზიტის დეტალებზე პრემიერის აპარატში ინფორმაცია არ აქვთ. გავრცელებული ინფორმაციით, საქართველოს მთავრობის თავმჯდომარე ეკონომიკური საკითხებისადმი მიძღვნილ ფორუმს დაესწრო.
აღსანიშნავია, რომ ხვალ, 13 იანვარს საქართველოს მთავრობის სხდომა გაიმართება. არ არის გამორიცხული ავსტრიაში ვიზიტის დეტალებზე გილაურმა თავად ისაუბროს.
