საზოგადოებრივი მოძრაობა "სოლიდარობა უკანონო პატიმრებს" ლიდერი ეკა ბესელია კრწანისის პოლიგონზე გუშინ მომხდარ უბედურ შემთხვევასთან დაკავშირებით კომენტარს აკეთებს.
მისი თქმით, თავდაცვის უწყება ბიუჯეტიდან დიდი თანხით ფინანსდება. ამიტომ ხალხს უფლება აქვს, იქ განხორციელებული რეფორმის შესახებ იცოდეს. ბესელიას თქმით, სინამდვილეში, ეს ე.წ. რეფორმა პირადად სააკაშვილის ინტერესში იყო.
"ბოლო დროს თავდაცვის სამინისტროდან 200 კვალიფიციური სპეციალისტი დაითხოვეს. ჩნდება კითხვა, რატომ ხდება პოლიგონებზე ტრაგედია?! ეს სისტემა ღია და გამჭვირვალე უნდა იყოს. უფლებადამცველებმა უნდა მოახერხონ ამ უწყებაში შეღწევა. წინააღმდეგ შემთხვევაში, გამოდის, რომ ძალოვანი სტრუქტურები იმ პირების უშუალო დაქვემდებარებაში არიან, ვინც მათ მართავს."_აცხადებს ეკა ბესელია "ჯი-ეიჩ-ენთან" საუბრისას.