"ქართული პარტიის" ქუთაისის საქალაქო ორგანიზაციის ოფისმა ფუნქციონირება დაიწყო.
ორგანიზაციის ოფისი დღეს გაიხსნა. პრეზენტაციას "ქართული პარტიის" თავმჯდომარე სოზარ სუბარი თავად დაეწრო. მან ღონისძიებაზე მისულ აქტივისტებს და რიგით ქუთაისელებს პარტიის სამოქმედო გეგმის ძირითადი მიმართულებებიც გააცნო.
გარდა ამისა, სოზარ სუბარი პარტიის ქუთაისის ახალგაზრდული ორგანიზაციის წევრებს შეხვდა და მათ სხვადასხვა აქტუალურ პოლიტიკურ საკითხებზე ესაუბრა.
პრეზენტაციის დასრულებისთანავე, "ქართული პარტიის" ქუთაისის ოფისში პარტიაში გაწევრიანების მსურველთა აღრიცხვა და რეგისტრაცია დაიწყო.
ამასთან, ჩამოყალიბდა საორგანიზაციო ჯგუფი "ქართული პარტიის" ქუთაისის საქალაქო ორგანიზაციის დამფუძნებელი კონფერენციის მოსამზადებლად, რომელიც თებერვლის შუა რიცხვებში გაიმართება.
