"სახალხო კრებამ" თბილისის რაიონული კომიტეტების ფორმირება დაასრულა.
ამის შესახებ "ჯი-ეიჩ-ენს" სახალხო კრებიდან აცნობეს.
მათივე ინფორმაციით, ყველა რაიონული კომიტეტი, რომელიც დედაქალაქის მასშტაბით შეიქმნა ოფიციალური უახლოეს მომავალში დაფუძვნდება და კომიტეტის წევრებს აირჩევს.
შეგახსენებთ, რომ კრების რაიონული კომიტეტების დაფუძვნება რეგიონებშიც მიმდინარეობს. ეს პროცესი ქვეყნის მასშტაბით 6 იანვარს, თელავიდან დაიწყო და ყოველკვირეულ რეჟიმში გრძელდება. 11 იანვარს "სახალხო კრების" მორიგი რაიონული კომიტეტი რუსთავში ამოქმედდა. დღეს კი ის დუშეთსა და მცხეთაში გაიხსნა.
აღსანიშნავია, რომ 20 იანვარს "სახალხო კრება" თბილისში მასშტაბური ღონისძიების გამართვას გეგმავს, რომელზეც ყველა რაიონის კომიტეტის წარდგენა განხორციელდება.
"სახალხო კრების" რაიონული კომიტეტები საქართველოს მოსახლეობას საყოველთაო დაუმორჩილებლობისთვის მოამზადებენ.
