"ქართული პარტიის" წარმომადგენელი თეო ტლაშაძე "ჯი-ეიჩ-ენთან" საუბრისას აცხადებს, რომ დევნილებისთვის კომპენსაციის გაცემა დიდი ხარვეზით მიმდინარეობს. მისი თქმით, კომპენსაცია პირადი ახლობლობისა და სიმპათიის მიხედვით ნაწილდება.
"ცხინვალის რეგიონიდან დევნილების ოჯახების დაყოფა ხელოვნურად ხდებოდა, რათა მათ მომეტებული კომპენსაცია მიეღოთ. ეს მხოლოდ იმ ოჯახებს შეეხებათ, რომლებიც კონკრეტულ თანამდებობის პირებთან ახლობლობენ. დანარჩენებისთვის კი 10 000 დოლარის ოდენობით კომპენსაციის გაცემას აჭიანურებენ",_აცხადებს ტლაშაძე.
თეო ტლაშაძე დევნილებს თანადგომას უცხადებს. მისი თქმით, დევნილები რადიკალური ნაბიჯებისთვის მზად არიან. "დევნილების გასახლების პროცესი კი არ უნდა გადაიდოს, არამედ საბოლოოდ უნდა შეჩერდეს",_აღნიშნა ტლაშაძემ.