"დემოკრატიული მოძრაობა" ქვეყნის საგარეო ვალის ზრდის ტენდენციას საგანგაშოდ მიიჩნევს.
"ბოლო 3 წლის განმავლობაში საქართველოს საგარეო ვალი 5.5 მილიარდი დოლარით გაიზარდა, რაც გაცილებით მეტია ეკონომიკის ზრდის საერთო ტემპზე და ეკონომიკური პოლიტიკის შეცდომების ერთ-ერთი ყველაზე ნათელი ინდიკატორია", - აცხადებს "დემოკრატიული მოძრაობის" მთავარი საბჭოს წევრი თეიმურაზ მურღულია.
მისივე განმარტევბით, ეროვნული ბანკის ინფორმაციით, მხოლოდ 2010 წლის მესამე კვარტალში, სახელმწიფო ვალი 274 მილიონი დოლარით, ხოლო მთლიანად საგარეო ვალი 664 მილიონი დოლარით გაიზარდა.
"მხოლოდ საზოგადოების ყურადღება და შეურიგებლობა შეიძლება იყოს ქვეყნის გაბანკროტების თავიდან აცილების გარანტია", - დასძენს ნინო ბურჯანაძის თანაპარტიელი.