მოძრაობა "სამართლიანი საქართველოსთვის" ზურაბ ნოღაიდელის შემცვლელ თავმჯდომარეს დღეს აირჩევს.
სავარაუდოდ, პარტიის ახალი ხელმძღვანელი სერგო ჯავახაძე გახდება.
როგორც მან ჟურნალისტებს განუცხადა, მოძრაობის გამგეობის ახალი შემადგენლობა, რომელზეც თავმჯდომარეს აირჩევენ, სწორედ დღეს შეიკრიბება და პირველ სხდომას გამართავს.
შეგახსენებთ, რომ "სამართლიანი საქართველოსთვის" წევრებმა ზურაბ ნოღაიდელი პარტიის თავმჯდომარეობიდან გადააყენეს. იუსტიციის სამინისტრომ უკვე მოძრაობის გამგეობის ახალი შემადგენლობაც დაარეგისტრირა.