ზურაბ ნოღაიდელის მხარე იუსტიციის სამინისტროს მიერ მიღებულ გადაწყვეტილებას უკანონოდ ცნობს.
აღნიშნული გადაწყვეტილება იუსტიციის სამინისტრომ გუშინ გამოიტანა, რომლის მიხედვითაც ზურაბ ნოღაიდელმა მოძრაობა სამართლიანი საქართველოსთვის თავმჯდომარის პოსტი დატოვა.
როგორც ნოღაიდელის თანამებრძოლი კობა აბულაძემ მოძრაობის ოფისში გამართულ ბრიფინგზე განაცხადა, იუსტიცის სამინისტრომ მიიღო ყოვლად უკანონო გადაწყვეტილება და რეესტრში გაატარა მოძრაობის სახელით ადამიანთა გარკვეული ჯგუფის მოთხოვნა ცვლილებების რეგისტრაციის თაობაზე.
მისი თქმით, 22, 24 და 27 დეკემბრის წერილებით მოძრაობამ დასაბუთებულად აცნობა იუსტიციის სამინისტროს რომ ე,წ. განცხადება წარმოდგენილი იქნება არაუფლებამოსილი პირის (პირების) და პირდაპირ ეწინააღმდეგება მოძრაობის წესების 6,2 6,3 და 6,4 პუნქტებს და მთელ რიგ სხვა პუნქტებს.
"მოძრაობის წესდების 6,2 პუნქტით დადგენილია, რომ მოძრაობის რიგგარეშე ყრილობა მოიწვევა: გამგეობის გადაწყვეტილებით ან მოძრაობის წევრთა 1/3-ის წერილობითი მოთხოვნით. რაც ნიშნავს, რომ წევრთა 1/3-ის მოთხოვნა წარმოდგენილი უნდა ყოფილიყო მოძრაობაში და ასეთ შემთხვევაში მოძრაობის გამგეობა ვალდებული იქნებოდა დაენიშნა რიგგარეშე ყრილობა. თუმცა არანაირი წერილობითი მოთხოვნა წარმოდგენილი არ ყოფილა. გარდა ამისა, დარღვეულ იქნა ასევე წესდების 6,3 პუნქტი და 6,4 პუნტი, რომლის შესაბამისად დელეგატთა ქვოტებს და ოდენობასა და რეგისტრაციის წესს ადგენს მხოლოდ გამგეობა. რაც არ მომხდარა რიგგარეშე ყრილობის მოწვევის მოთხოვნის არარსებობის გამო. ყოველივე ზემოაღნიშნულიდან გამომდინარე ადამიანთა გარკვეული ჯგუფის მიერ მოძრაობის სახელით იუსტიციის სამინისტროში შემოტანილი "განცხადება" იუსტიციის სამინისტროს კანონმდებლობით დადგენილი წესით უნდა დაეტოვებინა განუხილველად. მიუხედავად ამისა, იუსტიცის სამინისტრო გვარწმუნებდა, რომ ჩვენ გადმოგვეცემოდა განცხადება და მთელი დოკუმენტაცია როგორც ადმინისტრაიცული დარღვევების მხარეს ზოგადი ადმინისტრაიცული კოდექსით დადგენილი წესით. იუსტიციის სამინისტრო მოძრაობის წესდებისა და ზოგად ადმინისტრაციული კოდექსის უხეში დარღვევით მიიღო წარმოებაში განცხადება, ხოლო ადმინისტრაიცული წარმოების დროს არ გამოიკვლია კანონით დადგენილი გარემოებები. კერძოდ არ ჩაგვრთო საკითხის განხილვაში, არ შეისწავლა განცხადების კანონიერება, არ გამოიწვლია ე.წ. 3 500 წევრის მოთხოვნის კანონიერება და საერთოდ არიან თუ არა ხელმომწერები მოძრაობის წევრები", - განმარტავს კობა აბულაძე.
როგორც ის აღნიშნავს, გუშინდელი მაგალითი კიდევ ერთი დადასტურებაა იმ უკანონობისა რომელიც გამეფებულია მთელ ქვეყანაში.
ამჟამად ზურაბ ნოღაიდელი საქართველოში არ იმყოფება და მისი მხარის სამოქმედო პრაქტიკა მას შემედეგ გახდება ცნობილი როცა ზურაბ ნოღაიდელი საქართველოში დაბდუნდება.
შეგახსენებთ, რომ რამდენიმე კვირის წინ მოძრაობა სამართლიანი საქართველოსთვის წევრებმა ჭადრაკის სასახლეში რიგგარეშე ყრილობა გამართეს, სადაც მიიღეს გადაწყვეტილება რომ ზურაბ ნოღაიდელმა მოძრაობის თავმჯდომარის პოსტი უნდა დატოვოს. შემდეგ ეს გადაწყვეტილება გადააგზავნეს იუსტიციის სამინისტროში. სამინისტრომ კი მათი გადაწყვეტილება დააკმაყოფილა. აღნიშნული ყრილობის წევრები ზურაბ ნოღაიდელს როგორც ისინი აცხაებენ, სახელფასო დავალიანებების გამო დაუპირისპირდნენ. ზურაბ ნოღაიდელი იუსტიციის სამინისტროს გუშინდელი გადაწყვეტილებით რჩება მოძრაობის ერთ-ერთ წევრად და მასთან დაპირისპირებული მხარე აცხადებს, რომ ნოღაიდელი უნდა დარჩეს მოძრაობაში რადგან მას არ მოეხსნას ის პასუხისმგებლობა რაც მთ მიმართ გააჩნია.