საქართველოს ნატოში გაწევრიანება ეს დროის საკითხია, ისევე როგორც ალიანსში ინტეგრაცია აუცილებელია ქვეყნისათვის მისი ნაციონალური უსაფრთხოების დასაცავად. ეს განცხადება საქართველოს პრეზიდენტმა მიხეილ სააკაშვილმა უკრაინული 5 არხისათვის მიცემულ ინტერვიუში გააკეთა.
სააკაშვილმა დასძინა ისიც, რომ უკეთესი ორგანიზაცია უსაფრთხოების დაცვისათვის არ არსებობს.
"რაც შეეხება ნატოს, მე სრულიად დარწმუნებული ვარ რომ ეს დროის საკითხია. უფრო დიდი და უკეთესი ორგანიზაცია ჯერ არავის შეუქმნია. ცალ-ცალკე თავის უსაფრთხოების უზრუნველყოფა მით უფრო პატარა ქვეყნებს არ შეუძლიათ. მიმაჩნია რომ ეს ეხება უკრაინასაც", _ განაცხადა საქართველოს პრეზიდენტმა და აღნიშნა, რომ საქართველოს არ აქვს მტრული განზრახვები სხვა ქვეყნებთან მიმართებაში.
"ჩვენ უბრალო ვცდილობთ გადავრჩეთ და განვვითარდეთ - მორჩა. და რა თქმა უნდა პატარა საქართველოს არავისზე თავდასხმა არ სურს, განსაკუთრებით თავის დიდ მეზობლებზე. ეს უგონობის მწვერვალი იქნებოდა. იმისათვის, რომ გადავრჩეთ ჩვენ უსაფრთხოების მინიმალური გარანტია მაინც გვჭირდება. და ჩვენთვის ეს სრულიად ცხადი საკითხია და არავინ მის განხილვას არ აპირებს", _ განაცხადა სააკაშვილმა.
