მსოფლიო საპატრიარქო პარიზში ოლიმპიური თამაშების გახსნის ცერემონიას ეხმიანება და განცხადებას ავრცელებს.
„ოლიმპიური თამაშები წარმოადგენს უდიდეს სპორტულ მოვლენას, რომელიც იზიდავს მილიონობით ჩვენი ძმებისა და დების ინტერესს პლანეტის ყველა კუთხიდან, ხოლო გახსნის ცერემონია საზეიმოა, რადგან მასპინძელ ქვეყანას აძლევს შესაძლებლობას წარმოაჩინოს თავისი ისტორია და ცივილიზაცია პოზიტიური გზავნილებით უნივერსალურ დონეზე.
დიდი მწუხარებით აღვნიშნეთ, რომ პარიზში გახსნის ცერემონიაზე ჩვენ მოწმენი გავხდით სცენების, რომლებიც შეურაცხმყოფელია ქრისტიანობისა და წმინდა სახარებისთვის, ასევე ყველა ცივილიზებულ ადამიანისთვის, რომელიც აღიარებს რწმენის უფლებას და პატივს სცემს რელიგიურ სიმბოლოებს.
ამ გამოსახულებებმა არათუ გაამდიდრეს ცერემონია, არამედ ფაქტობრივად გააღარიბეს.
ღვთის გმობა არ არის პროგრესი; ხალხის რელიგიური მრწამსის შეურაცხყოფა არ არის უფლება.
ჩვენ მოველით, რომ ამდენი ადამიანის მხრიდან ნეგატიური დამოკიდებულებისა და უარყოფის სპონტანურმა გამოხატვამ საკმარისად ძლიერი გზავნილი გადასცა პასუხისმგებელ პირებს და ის იმედი იქნება მომავალში მსგავსი ქცევის თავიდან ასაცილებლად“, - ნთქვამია განცხადებაში.
