"თავისუფალი დემოკრატები" ხელისუფლებას კრწანისის სასწავლო ცენტრში მომხდარი ტრაგედიის მიზეზების დროულად და მიუკერძოებლად გამოძიებისკენ მოუწოდებენ.
ირაკლი ალასანიას პარტია მწუხარებას გამოთქვამს მომხდარის გამოც და სამძიმარს უცხადებს პირველი საარტილერიო ბრიგადის ნაღმმტყორცნელთა ბატალიონის დაღუპული ჯარისკაცების ოჯახებს.
"მოვუწოდებთ ხელისუფლებას, დროულად და მიუკერძოებლად გამოიძიოს მომხდარი ფაქტი, რათა მომავალში თავიდან ავიცილოთ მსგავსი ტრაგედია", - აღნიშნულია "თავისუფალი დემოკრატების" განცხადებაში.