საქართველოს ვიცე პრემიერ-მინისტრი გიორგი ბარამიძე ოფიციალური ვიზიტით ლიტვის რესპუბლიკაში გაემგზავრა.
ვიცე-პრემიერის აპარატის ინფორმაციით, ვიზიტი ლიტვის რესპუბლიკის სეიმის თავმჯდომარის ირენა დეგუტიენეს მიწვევით ხორციელდება.
რაც შეეხება უშუალოდ პროგრამას, ვიზიტის გარგლებში გიორგი ბარამიძე თავისუფლების დამცველთა დღის ოცი წლისთავის აღსანიშნავ ღონისძიებებში მიიღებს მონაწილეობას.
გარდა ამისა, დაგეგმილია გიორგი ბარამიძის ორმხრივი შეხვედრები ლიტვის რესპუბლიკის პრემიერ-მინისტრთან, თავდაცვის მინისტრთან და პარლამენტის ვიცე- სპიკერთან, სადაც განხილვის მთავარი საკითხები ლიტვის, როგორც ეუთოს თავმჯდომარე ქვეყნის როლის გაძლიერება რუსეთ- საქართველოს კონფლიქტის დარეგულირების, საქართველოს პრეზიდენტის სამშვიდობო ინიციატივის საფუძველზე საქართველოს ტერიტორიების დეოკუპაციისა და ეთნიკური წმენდის შედეგების აღმოფხვრის საკითხები იქნება.
შეგახსენებთ, რომ ლიტვა ეუთოს ამჯამინდელი თავმჯდომარე და საქართველოში ნატოს საკონტაქტო ქვეყანაა.
