საგარეო საქმეთა სამინისტრო ათასწლეულის გამოწვევის კორპორაციის მიერ საქართველოსთვის ფინანსური დახმარების გამოყოფის შესახებ გადაწყვეტილებას მიესალმება.
"საქართველოს საგარეო საქმეთა სამინისტრო მიესალმება 2011 წლის 5 იანვარს გამართულ (Mჩჩ) აღმასრულებელ დირექტორთა სხდომაზე მიღებულ გადაწყვეტილებას, რომლის თანახმადაც საქართველო ისარგებლებს Mჩჩ-ის მეორე კომპაქტით და განავითარებს შესაბამის წინადადებებს მის მისაღებად", - ნათქვამია გრიგოლ ვაშაძის უწყების განცხადებაში.
ამასთან, მასში აღნიშნულია, რომ ხსენებული გადაწყვეტილება საბჭომ მრავალი ფაქტორის გათვალისწინებით მიიღო, მათ შორის, პირველი კომპაქტისას სწორი პოლიტიკის განსაზღვრითა და და ისეთი პროექტების განვითარებით, რომლებმაც "აშკარად შეუწყო ხელი ეკონომიკურ განვითარებას, სიღარიბის აღმოფხვრასა და ინფრასტრუქტურის რეაბილიტაციას, რამაც საბოლოო ჯამში კომპაქტის წარმატებით დასრულება განაპირობა".
შეგახსენებთ, რომ გრანტის ოდენობა, რომელსაც საქართველო მიიღებს მე-2 კომპაქტით, ცნობილი უახლოეს მომავალში გახდება.
