პოლონეთში უცხო ქვეყნის, მათ შორის საქართველოს მოქალაქეებისთვის სამუშაო ნებართვის გამარტივებული გზით მიღების შესახებ ინფორმაცია არ დასტურდება.
როგორც საქართველოს საგარეო საქმეთა სამინისტროში აცხადებენ, ინფორმაცია "იმ ფორმით, როგორც ის გავრცელდა, სიმართლეს არ შეესაბამება".
"ჩვენ გადავამოწმეთ ეს ინფორმაცია და აღმოჩნდა, რომ ის იმ ფორმით, როგორითაც გავრცელებული იყო, სიმართლეს არ შეესაბამება. აქ საუბარი მხოლოდ და მხოლოდ იმ პირებზეა, რომლებიც უკვე იმყოფებიან პოლონეთის ტერიტორიაზე და აქვთ სამუშაო უფლება. სწორედ მათთვის გამარტივდება ხანგრძლივი სამუშაო რეჟიმის მოპოვების ნებართვა, რისთვისაც მათი დამსაქმებლები შესაბამისი მოთხივნით სახელმწიფო უწყებებს მიმართავენ. ეს არ ნიშნავს რომ საქართველოდან წახვიდე და იქ სამუშაო უფლებას მარტივად მოიპოვებ", - განმარტა საგარეო უწყების ხელმძღვანელის მოადგილე ნინო კალანდაძემ დღეს გამართულ ტრადიციულ პრესკონფერენციაზე.
შეგახსენებთ, რომ საერთაშორისო მედიით გავრცელებული ინფორმაციით, 2011 წლის 1-ლი იანვრიდან საქართველოს, ბელორუსის, მოლდოვის, უკრაინისა და რუსეთის მოქალაქეები პოლონეთში მუშაობა მუშაობის უფლების ქონის გარეშე შეუძლიათ.
