"მესტიის სიღნაღიზაცია" უწოდა საქართველოს პრეზიდენტმა მიხეილ სააკაშვილმა ხელისუფლების გადაწყვეტილებას მესტიის აღორძინებისა და მძლავრი ტურისტული ინფრასტრუქტურის შექმნის შესახებ.
"მესტიაში 500-600 მილიონი ჩაიდება, რაც უკან მილიარდებად დაგვიბრუნდება", _ განაცხადა მიხეილ სააკაშვილმა მესტიაში უკრაინელი ვარსკვლავების კონცერტის დაწყებმადე.
მისი თქმით, მესტიის მსგავსი კურორტი თითქმის არსად არ არის და უახლოეს პერიოდში ხელისუფლება სვანეთამდე მისასვლელი გზების რეაბილიტაციასა და ტურისტული ინფრასტრუქტურის განვითარებაზე იზრუნებს.
პრეზიდენტმა დედაქალაქის მერთან გიგი უგულავასთან და პარლამენტის განათლებისა და კულტურის კომიტეტის თავმჯდომარესთან გოკა გაბაშვილთან ერთად უკრაინული არაყი და ლორი გასიჯა, რომლებიც სვანეთში ამ დღისთვის სპეციალურად ჩაიტანეს.