საქართველოს დიპლომატიური და სამსახურებრივი პასპორტების მფლობელებს ხორვატიის რესპუბლიკაში 90 დღის განმავლობაში უვიზოდ შესვლა შეუძლიათ. ამის შესახებ ინფორმაციას საქართველოს საგარეო საქმეთა სამინისტრო ავრცელებს.
გრიგოლ ვაშაძის უწყების ინფორმაციით, სავიზო რეჟიმის შესახებ დადგენილებაში შესაბამისი ცვლილებები ხორვატიის რესპუბლიკის მთავრობამ 2010 წლის 30 დეკემბერს შეიტანა.
საქართველოს დიპლომატიური და სამსახურებრივი პასპორტების მფლობელებს ხორვატიის რესპუბლიკაში 90 დღის განმავლობაში უვიზოდ ყოფნა 1-ლი იანვრიდან, უკვე შეუძლიათ. მათ ასევე უფლება აქვთ, ისარგებლონ სატრანზიტო გავლით.