"ქრისტიან-დემოკრატები" ომის ვეტერანების გადასახადებისგან გათავისუფლებას ითხოვენ. როგორც საკრებულოში პარტიის წარმომადგენელმა ჯაბა სამუშიამ დღეს გამართულ პრესკონფერენციაზე განაცხადა, ვეტერანებს დაზღვევის ბარათებიც უფასოდ უნდა გადაეცეთ.
"უკვე მზად გვაქვს ინიციატივა, რომლის თანახმადაც, ომის ვეტერანებისთვის შეღავათები უნდა დაწესდეს", - განაცხადა სამუშიამ და განმარტა, რომ კანონპროექტს საკრებულოს უახლოეს სხდომაზე წარადგენენ.