სომეხი და ქართველი ხალხის მეგობრობამ საუკუნეებს გაუძლო და მრავალი ისტორიული ქარტეხილი გამოიარა.
ამის შესახებ ნათქვამია საქართველოს პრეზიდენტის მიხეილ სააკაშვილის საქართველოში მცხოვრებ ეთნიკურ სომხებს შობის დღესასწაული ოფიციალურ მილოცვაში, რომელი პრეზიდენტის ვებ-გვერდზე გამოქვეყნდა.
"ჩემო ძვირფასო თანამემამულენო, დღეს, როდესაც სომხეთის სამოციქულო მართმადიდებელი ეკლესია იესო ქრისტეს შობის ბრწყინვალე დღესასწაულს აღნიშნავს, მინდა მოგილოცოთ ეს დღე თქვენ, საქართველოს მოქალაქეებს. სომეხი და ქართველი ხალხის მეგობრობამ საუკუნეებს გაუძლო და მრავალი ისტორიული ქარტეხილი გამოიარა, დღეს კი თქვენ აქტიურად მონაწილეობთ საქართველოს სახელმწიფოებრიობის აღმშენებლობაში", - ნათქვამია პრეზიდენტის განცხადებაში.
ამასთან, მიხეილ სააკაშვილი თავის განცხადებაში სომხების ეპისკოპოსის დამსახურებაზე ყურადღებას ამახვილებს.
"მინდა მივულოცო მეუფე ვაზგენს, სულიერ მოძღვარს ადამიანებისა, რომლებიც ქართველი ხალხის, ქართული სახელმწიფოს განუყოფელი ნაწილი არიან და მრავალეთნიკურ საქართველოში ქმნიან უნიკალურ კულტურას, ემსახურებიან დემოკრატიული სახელმწიფოს გაძლიერებას და წარმატებას. გილოცავთ ყველას და გისურვებთ მშვიდობას, ჯანმრთლეობასა და თქვენი ოჯახების კეთილდღეობას", - ნათქვამია სააკაშვილის განცხადებაში.
