მომავალ კვირაში ევროკომისიის ხელმძღვანელი ჟოზე მანუელ ბაროზუ და ევროკომისარი ენერგეტიკულ საკითხეში გიუნტერ ეტინგერი, ნაბუქოს პროექტთან დაკავშირებული დეტალების განსახილველად, აზერბაჯანსა და თურქმენეთს ეწვევიან.
"მომავალ კვირაში ევროკომისართან ენერგეტიკის საკითხებში აზერბაიჯანში და თურქმენეთში ჩავალ, რათა სამხრეთ კორიდორის განვითარებას მხარი დავუჭირო",_ განაცხადა ბაროზუმ.
ბაროზუ დარწმუნებულია, რომ ნაბუქოს პროექტთან მიმართებაში მოვლენები პროგრესულად განვითარდება.
ნაბუქოს გაზსადენის პროექტის ღირებულება, რომელიც ცენტრალური აზიიდან საქართველოს გავლით ევროპაში გაივლის, 7.9 მილიარდი ევროა.
"ნაბუქოს" გაზსადენის სიგრძე 3,3 ათასი კილომეტრითაა განსაზღვრული, საიდანაც ბაქო-თბილისი-ერზერუმის მონაკვეთი უკვე აშენებულია.
გაზსადენით ყოველწლიურად 20-30 მლრდ კუბ/მ გაზის გატარება იგეგმება.