იურიდიულ საქმეთა კომისიის თავმჯდომარე პავლე კუბლაშვილი სახელმწიფოსა და თვითმმართველობას შორის ფინანსური საკითხების გამიჯვნის ინიციატივით გამოდის. ამის შესახებ კუბლაშვილმა დღევანდელ პლენარულ სხდომაზე "ადგილობრივი მოსაკრებლის შესახებ" კანონში ცვლილების შეტანის განხილვისას განაცხადა.
"არ შეიძლება პარლამენტს ჰქონდეს თვითმმართველობაზე ზემოქმედების ბერკეტი. მაგალითად, პარლამენტმა რომ ადგილობრივი მოსაკრებლის საფასურად 0.01 ლარი დააწესოს, მაშინ რას ვაპირებთ? ანუ საკრებულოს ვავალდებულებთ, რომ ხარჯები საკუთარი ბიუჯეტიდან დაფაროს. ამიტომ ვფიქრობ, რომ აუცილებელია ფინასურ საკითხებში მოხდეს სახელმწიფოსა და თვითმმართველობის გამიჯვნა", - აღნიშნა კუბლაშვილმა.
დეპუტატის გამოსვლას პარლამენტის თავმჯდომარე დავით ბაქრაძე გამოეხმაურა და აღნიშნა, რომ ამასთან დაკავშირებით ახალი კანონპროექტი უნდა მომზადდეს.
