2010 წლის 7 დეკემბერს საგარეო საქმეთა სამინისტროში საქართველოს საგარეო საქმეთა მინისტრი გრიგოლ ვაშაძე შეხვდა აშშ-ის ელჩს ჯონ ბასს, საფრანგეთის რესპუბლიკის ელჩს ერიკ ფურნიეს, გერმანიის ფედერაციული რესპუბლიკის ელჩს ოტვინ ჰენიგს და დიდი ბრიტანეთისა და ჩრდილოეთ ირლანდიის გაერთიანებული სამეფოს ელჩს ჯუდით გოფს.
როგორც საგარეო საქმეთა სამინისტრო იუწყება, საქართველოს საგარეო საქმეთა მინისტრმა უცხოელ დიპლომატებს დეტალური ინფორმაცია მიაწოდა რუსეთის მიერ ოკუპირებულ ზონაში მოიერიშე სარაკეტო არტილერიის სისტემების "სმერჩის" განლაგების თაობაზე და გამოთქვა ქართული მხარის შეშფოთება 12 აგვისტოს ცეცხლის შეწყვეტის ხელშეკრულების უხეში დარღვევის გამო.
მხარეების მიერ ასევე მიმოხილული იქნა 16 დეკემბერს ჟენევის მოლაპარაკებების მომდევნო რაუნდთან დაკავშირებული საკითხები.
