"ლეიბორისტულ პარტიას" საქართველოში შემოდგომაზე მომხდარ ტერაქტებში რუსული კვალის არსებობის არ სჯერა.
როგორც აღნიშნულ საკითხზე კომენტირებისას ჟურნალისტებს პარტიის პოლიტიკურმა მდივანმა გიორგი გუგავამ განუცხადა, თბილისის შუაგულში დივერსიული ჯგუფი საქართველოს ხელისუფლების მფარველობის გარეშე ვერ იმოქმედებდა.
"ხელისუფლების ხელშეწყობისა და მფარველობის გარეშე, განსაკუთრებით თბილისის შუაგულში, ვერანაირი დივერსიული ჯგუფი ვერ იმოქმედებდა", - განმარტავს გუგავა.
შეგახსენებთ, რომ საქართველოს შს სამინისტორომ 2010 წლის სექტემბერ-ნოემბერში მომხდარი ტერაქტების ორგანიზებასა და განხორციელებაში ბრალდებული რვა პირი დააკავა, ორზე კი ძებნაა გამოცხადებული. ისინი თავს ოკუპირებულ აფხაზეთს აფარებენ.
