"ქრისტიან დემოკრატები" პარლამენტში ეკონომიკისა და მდგრადი განვითარების მინისტრის ვერა ქობალიას მისვლას ითხოვენ. აღნიშნული მოთხოვნა "ქრისტიან-დემოკრატების" წევრმა ნიკოლოზ ლალიაშვილმა დღევანდელ პლენარულ სხდომაზე დააყენა.
"დღეს ვდგავართ იმ კატასტროფის წინაშე, როდესაც ვერცერთი მფრინავი საქართველოს დროშით ვეღარ იფრენს და ისევე შეგვიყვანენ შავ სიაში, როგორც ეს მოხდა სანაოსნოს შემთხვევაში. ამიტომ სასწრაფოდ არის რამდენიმე საკითხი გადასაწყვეტი. პირველი ე სარის რეგისტრაცია ავიკომპანიების, რადგან ძალიან დაბალი დაბალი მოთხოვნების ავიაკომპანიების დარეგისტრირებაზე, შეუძლიათ ძალიან საეჭვო რეპუტაციის კომპანიებმაც კი რეგისტრაცია გაიარონ, რომლებიც შემდეგ პანტა-პუნტით ვარდებიან და პასუხისმგებლობა ეკისრება საქართველოს", - აღნიშნა ლალიაშვილმა.
ამასთან, "ქრისტიან-დემოკრატები" მოითხოვენ მოხდეს ყველა გაცემული ლიცენზიის თავიდან რეგისტრაცია, რომელიც საერთაშორისო სტანდარტებს მაინც იქნება დაახლოებული და მხოლოდ იმ ავიაკომპანიებს გაუგრძელდეთ ლიცენზია, რომლებიც ახლა სტანდარტებს დააკმაყოფილებენ.
"ასევე პრობლემა, რომ ფრენის უსაფრთხოებაზე ზედამხედველობის სამსახური პრაქტიკულად არ არსებობს და უფუნქციოა. ეს ხდება მაშინ, როდესაც ევროპის ნებისმიერ ქვეყანაში ურიკაც კი ვერ დაგორავს აღნიშნული სამსახურის სერთიფიკატის და ნებართვის გარეშე", - აღნიშნა დეპუტატმა და აქვე დასძინა, რომ უნდა მოხდეს არა მხოლოდ ავიაკომპანიების სერთიფიცირება, ასევე ყველა იმ კომპანიის, რომელსაც ავიაციასთან რაიმე სახის კავშირი აქვს.
მისვე თქმით, აღნიშნულთან დაკავშირებით დაგროვილის ძალიან ბერი საკითხი, ამთ შორის კითხვები არსებობს მესტიის აეროპორტთან დაკავშირებით, ამიტომ მიზანშეწონილი იქნება პარლამენტში ეკონომიკური და მდგრადი განვითარების მინისტრი დეპუტატების კითხვებს პასუხს გასცემს.