ბრაზილიაში საქართველოს დიპლომატიური წარმომადგენლობა აქტიურად იმუშავებს, რომ ლათინურ ამერიკის სხვა ქვეყნებში საელჩოების გახსნისთვის ნიადაგი მომზადდეს. ამის შესახებ ჟურნალისტებს საგარეო ურთიერთობათა კომიტეტის თავმჯდომარემ აკაკი მინაშვილმა განუცხადა.
"დღეს სამ ელჩს ვამტკიცებთ სომხეთში, ბრაზილიაში, მექსიკაში. ამ კუთხით განსაკუთრებით მნიშვნელოვანია ლათინურ ამერიკაში ჩვენი დიპლომატიური წარმომადგენლობის გახსნა, რაც ნიშნავს, რომ ურთიერთობები კიდევ უფრო ინტენსიური გახდება. ყურადღება გამახვილდება როგორც პოლიტიკურ, ასევე ეკონომიკური კუთხით. ამასთან, ბრაზილიის საელჩოდან მომზადდება ნიადაგი, რომ ლათინური ამერიკის სხვა ქვეყნებში გაიხსნას დიპლომატიური წარმომადგენლობა", - აღნიშნა მინაშვილმა.
მისივე შეფასებით, ბოლო დროს ბრაზილია ეკონომიკური კუთხით განსაკუთრებით განვითარდა, ქართველი დიპლომატიური წარმომადგენლობა ერთ-ერთ ძირითად პრიორიტეტად ინვესტიციების მოზიდვას ისახავს მიზნად.
ამასთან, როგორც პლენარულ სხდომის დაწყებამდე მექსიკაში საქართველოს სრულუფლებიანი ელჩის კანდიდატმა მალხაზ მიქელაძემ აღნიშნა, მისთვის ძირითადი მიმართულებები ქვეყნებს შორის ეკონომიკური, პოლიტიკური და კულტური მიმართულები იქნება.
ასევე მექსიკის საელჩო დაფარავს მიმდებარე ქვეყნებსაც, როგორიც არის გვატემალა, კუბა და სხვა.
შეგახსენებთ, რომ დღეს პლენარულ სხდომაზე ბრაზილიაში საქართველოს ელჩად ოთარ ბერძენიშვილს, მექსიკაში მალხაზ მიქელაძეს და სომხეთში ედპ-ის წევრს თენგიზ შარმანაშვილს დაამტკიცებენ.