ნატომ რუსეთის მხრიდან შესაძლო სამხედრო აგრესიის გამო ბალტიისპირეთისა და პოლონეთის დაცვის გეგმა შეიმუშავა. ამის შესახებ მორიგ სკანდალურ ინფორმაციას "ვიკილიქსის" მიერ მოპოვებულ აშშ-ის საიდუმლო დიპლომატიურ მასალებზე დაყრდნობით ბრიტანულ გამოცემა "გარდიანი" აქვეყნებს. სწორედ "გარდიანს" გადასცა "ვიკილიქსმა" აღნიშნულის დამამტკიცებელი შესაბამისი მასალები, მათ შორის ამერიკის შეერთებული შტატების სახელმწიფო მდივნის ჰილარი კლინტონის მიერ ხელმოწერილი დოკუმენტი.
"გარდიანის" ცნობით, პოლონეთზე რუსეთის შესაძლო თავდასხმის შემთხვევაში მას ამერიკიდან, ბრიტანეთიდან, გერმანიიდან და თავად პოლონეთიდან ნატოს 9 დივიზია დაუპირისპირდებოდა.
გამოცემის ინფორმაციით, აღნიშნული გეგმა ნატომ წელს შეიმუშავა.
"ამ გეგმის შემუშავებით ბოლო მოეღო დავას იმის თაობაზე, თუ როგორ უნდა იყოს განხილული ვლდადიმერ პუტინის რუსეთი", - წერს "გარდიანი".
