ამერიკელებისთვის, რომლებსაც დაუდასტურდებათ კოვიდი და სიმპტომები არ გამოუვლინდებათ, იზოლაციის პერიოდი 10 დღიდან 5 დღემდე მცირდება. CBS-ის ინფორმაციით, გადაწყვეტილება ქვეყნის დაავადებათა კონტროლის ცენტრმა (CDC) მიიღო.
CDC-ს გადაწყვეტილებით, კარანტინის წესები იცვლება ინფიცირებულთან კონტაქტის შემდეგ არავაქცინირებული და მხოლოდ 2ჯერ აცრილი ამერიკელებისთვისაც - 5-დღიანი იზოლაციის შემდეგ, მომდევნო 5 დღე მათ მუდმივად ნიღბით უნდა იარონ.
დაავადებათა კონტროლის ცენტრის განცხადებით, სამჯერ აცრილი ადამიანები, თუ მათ არ აქვთ სიმპტომები, ინფიცირებულთან ახლო კონტაქტის შემდეგ კარანტინს აღარ ექვემდებარებიან.
CDC-ს დირექტორის, როჩელ ვალენსკის განმარტებით, შეცვლილი წესები საშუალებას მისცემს საზოგადოებას, უსაფრთხოდ გააგრძელონ ჩვეულ რეჟიმში ცხოვრება.
