მიხეილ სააკაშვილის მხარდამჭერი აქცია გაიმართა დღეს პრეზიდენტის რეზიდენციასთან. ათონელის სასახლესთან აქციის მონაწილეები სალომე ზურაბიშვილთან შეხვედრას და მისგან განმარტებებს ითხოვდნენ - რატომ არ იწყალებს საქართველოს მესამე პრეზიდენტს, რომლის ჯანმრთელობის მდგომარეობა მძიმეა.
"ადამიანი, რომელმაც ტატუნაშვილის მკვლელი შეიწყალა, ოთხმეზურის, 17 წლის ბავშვი რომ მოკლა, ირინა ენუქიძეს თვალებში ვერ ჩავხედავო, მარიკა ლორთქიფანიძეს თვალებში როგორ უნდა ჩახედოს, მაჩალიკაშვილის დედას თვალებში როგორ უნდა ჩახედოს, შე მონა, პუტინის კუკლა მარიონეტო", - თქვა აქციის ერთ-ერთმა მონაწილემ ზურაბიშვილის მისამართით.
აქციის მონაწილეების განმარტებით, პროტესტი გაგრძელდება იქამდე, ვიდრე მიხეილ სააკაშვილი რუსთავის ციხეს არ დატოვებს.
