ქუთაისის საქალაქო სასამართლოს მოსამართლემ გირჩი - მეტი თავისუფლების წევრს, იმედა კლდიაშვილს 2000-ლარიანი ჯარიმა დააკისრა. მოსამართლის გადაწყვეტილებით, ოპოზიციონერი ლიდერი სასამართლო დარბაზიდან გათავისუფლდა.
შეგახსენებთ, რომ იმედა კლდიაშვილი გუშინ ქუთაისში, მას შემდეგ დააკავეს, რაც მან დაუმორჩილებლობის აქტი გამოაცხადა და სუს-ის შესასვლელი საკუთარი ავტომობილით ჩაკეტა.
ოპოზიციის ქუთაისის ვიცე-მერობის კანდიდატის პროტესტი სუს-ის მხრიდან ერთ-ერთი საუბნო საარჩევნო კომისიის წევრზე ზეწოლას უკავშირდება.
