კახეთის, რაჭისა და იმერეთის შემდეგ რთველი დასასრულს უახლოვდება ლეჩხუმშიც. წელს ცაგერის რაიონში დაახლოებით 130 ტონა ოჯალეშის ჯიშის ყურძნის მოსავალი მოვიდა.
ყურძენს მევენახეები სოფელ ორბელის ღვინის ქარხანაში აბარებდნენ. ლეჩხუმში "რთველი 2010" ის მიმდინარეობა ადგილზე დაათვალიერა სოფლის მეურნეობის მინისტრმა ბაკურ კვეზერელმა და რაჭის გუბერნატორმა დვით გაგოშიძემ.
რთველის მიმდინარეობის შესახებ ინფორმაცია მათ მევენახეებისაგან მოისმინეს.
"მევენახეები უპრობლემოდ აბარებენ თავიანთ მოწეულ მოსავალს.
დარწმუნებული ვარ, რომ წელს განსაკუთრებული ხარისხის ოჯალეში იქნება. შესაბამისად მას აქვს საექსპორტო პოტენციალი. ნაკლები ცნობადობის გამო დღესდღეობით ძალიან რთულია მისი რეალიზება, თუმცა ჩვენი დახმარებით, სახელმწიფო კომპანიის დახმარებით, მოხდება ამ ჯიშის პოპულარიზაცია", _ აცხადებს სოფლის მეურნეობის მინისტრი ბაკურ კვეზერელი.
