"ჩვენი ამოცანაა, რომ საბიუჯეტო დეფიციტი მაქსიმალურად შემცირდეს და ქვეყანა სესხებზე ნაკლებად იყოს დამოკიდებული. ჩვენ გვქონდა გაჭირვება და საერთაშორისო დონორო ორგანიზაციები დაგვეხმარნენ, თუმცა ახლა უნდა ვიცხოვროთ იმ სახსრებით რაც გვაქვს", - განაცხადა ბაინდურაშვილმა.

მინისტრის თქმით, 2011 წელს საბიუჯეტო დეფიციტი 3-4 პროცენტის ფარგლებში უნდა იყოს, ხოლო 2012 წელს დეფიციტი მთავრობის გათვლებით 3 პროცენტამდე იქნება.

"ჩვენ არ ვართ მდიდარი ქვეყანა, მაგრამ გვაქვს პრიორიტეტები, რომელიც აუცილებლად უნდა დავაფინანსოთ. 2011 წელს ყველა ის პრიორიტეტი დაფინანსდება, რაც მოხდება ადმინისტრაციული ხარჯის შეკვეცის ფონზე. ადმინისტრაციული ხარჯი ისედაც შეკვეცილი გვქონდა, მაგრამ მაინც მოხერხდა თანხების გამოთავისუფლება. 2011 წელს სახელმწიფო სექტორში ხელფასები აღარ გაიზრდება და იმავდროულად მაქსიმალურად იკვეცება ავტომობილების, კომპიუტერების და სხვა ტექნიკის შეძენის ხარჯები", - განაცხადა კახა ბაინდურაშვილმა.

მინისტრის თქმით, 2011 წელს განათლების სფეროს დაფინანსება 554 მილიონი ლარი იქნება, რაც მოხმარდება მასწავლებელთა ხელფასების ზრდას ინგლისურისა და კომპიუტერის სწავლებას და სხვა მნიშვნელოვან პროექტებს, რაც განათლების სექტორშია განსახორციელებელი.

4 მილიონი ლარით იზრდება ჯანდაცვის დაფინანსება, ხოლო სოფლის მეურნეობის სფეროს დაფინანსება ბიუჯეტიდან 40 მილიონი ლარით გაიზრდება, საიდანაც ფინანსთა მინისტრის განმარტებით, 30 მილიონი ლარი სათესლე მეურნეობის განვითარებას, თესლის განვითარებას და შესაბამისი ტექნიკის შემოყვანას მოხმარდება.

"სოფლის მეურნეობის ბიუჯეტის ზრდა გამოწვეულია არა მარტო ფასების ზრდით, არამედ იმითაც რომ სოფლის მეურნეობა უნდა განვითარდეს. ხორბლის კრიზისმა და ფასების ზრდამ გამოიწვია ქვეყანასI ხორცის ფასის გაძვირება. ამას დაემატა მსოფლიო კრიზისიდან გამოსვლა და ნავთობის ფასის ზრდა. ამას თან დაერთო რუსეთის დაწვა თუ გადაწვა და რუსეთის მხრიდან მარცვლეულის ექსპორტის შეზღუდვა. სასურსათო კალათასI ძალიან დიდია იმპორტზე დამოკიდებულება და ჩვენ გადავწყვიტეთ, რომ მოვახდინოთ სოფლის მეურნეობის დივერსიფიცირება", - განაცხადა კახა ბაინდურაშვილმა.

მინისტრის თქმით, 2011 წელს 125 მილიონი ლარი საგზაო ინფრასტრუქტურის განვითარებისთვის დაიხარჯება.

"თუ აქამდე საგზაო ინფრასტრუქტურაში ინვესტიცია აღმოსავლეთ საქართველოში ხორციელდებოდა, ამიერიდან ინვესტიციების განხორციელება დაიწყება დასავლეთ საქართველოშიც, სადაც 2011 წელს დაიწყება ქუთაისისა და ბათუმის შემოვლითი გზების მშენებლობა" - განაცხადა კახა ბანდურაშვილმა 2011 წლის ბიუჯეტის პროექტის თანახმად ირკვევა, რომ 2011 წელს ეკონომიკის ზრდა 4,5 პროცენტი იქნება. 2011 წლის ბიუჯეტის პროექტში ინფლაცია 6-7 პროცენტის ფარგლებშია ნავარაუდევი.