პარლამენტის საბიუჯეტო-კომიტეტის სხდომაზე
ფინანსთა მინისტრმა კახა ბაინდურაშვილმა განაცხადა, რომ ჯანდაცვის სამინისტროს ბიუჯეტით მოხდება სახელმწიფოს ბალანსზე არსებული საავადმყოფოების რეაბილიტაცია.
"ჩვენ არ ვართ მზად შევეგუოთ ფსიქიატრიული საავადმყოფოს ისეთ ვითარებაში ყოფნას, როგორიც ის დღეს არის. ჩვენ არ ვართ მზად შევეგუოთ რკინიგზის საავადმყოფოში რომ ვითხები დარბიან. ჩვენ მზად ვართ ეს საავადმყოფოები ბიუჯეტიდან დავაფინანსოთ და მათი რეაბილიტაცია მოვახდინოთ" - განაცხადა კახა ბაინდურაშვილმა.
შეგახსენებთ, რომ 2011 წლის ჯანდაცვის ბიუჯეტის სრული პარამეტრები ამ დრომდე არ არსებობს, რადგან ჯანდაცვის მინისტრმა სანდრო ურუშაძემ საქმეში გასარკვევად გარკვეული დრო ითხოვა და ჯანდაცვის სამინისტროს სრული დაფინანსების შესახებ ინფორმაცია უახლოეს დღეებში გახდება ცნობილი.
2011 წელს ჯანდაცვის ბიუჯეტი 4 მილიონი ლარით იზრდება.
