ნავთობპროდუქტების იმპორტიორთა კავშირში აცხადებენ, რომ ბოლო დღეების განმავლობაში ნავთობის ფასები მსოფლიოში სტაბილურად მაღალ ნიშნულს ინარჩუნებს.

კერძოდ, დღეისათვის ნავთობის მსოფლიო ფასები შეადგენს: ლონდონში
InterContinental Exchange Futures Europe-ზე (IСE Futures Europe) - Brent ტიპის ნავთობის ფასი- 88.96 დოლარს ბარელზე; ნიუ-იორკში New York Mercantile Exchange-ზე (NYMEX) - Light Sweet ტიპის ნავთობის ფასი 87.81 დოლარს ბარელზე.

ნავთობის ეს ფასები ბოლო 2 წლის განმავლობაში ყველაზე მაღალი მაჩვენებელია.
როგორც კავშირში განმარტავენ, მიმდინარე წლის განმავლობაში ნავთობის ფასი მერყეობდა ძირითადში 70-78 დოლარის ფარგლებში. ოქტომბრის თვიდან კი ნავთობის ფასმა მატება დაიწყო და გაიზარდა 88-89 დოლარამდე ბარელზე. ამასთან, ბოლო 10 დღის განმავლობაში ბარელი ნავთობი 86 დოლარს აღემატება.
ნავთობის ფასის მკვეთრი მატების მიზეზი გახლავთ აშშ-ის ფედერალურმა სარეზერვო სისტემის გადაწყვეტილება ამერიკის ეკონომიკური სტიმულირებისათვის 600 მილიარდი დოლარის გამოყოფის შესახებ. მიიჩნევენ, რომ აღნიშნული თანხის დიდი ნაწილი მოხდება სასაქონლო ნედლეულის ბაზრებზე, რაც შესაბამისად გაზრდის მოთხოვნილებას ყველა სახის სასაქონლო ნედლეულზე.