ტურიზმის განვითარება 2011 წლის ბიუჯეტისთვის ერთ-ერთი მთავარი პრიორიტეტი იქნება.
ამის შესახებ განცხადება დღეს ფინანსთა მინისტრმა კახა ბაინდურაშვილმა პარალმენტში ბიუჯეტის საკომიტეტო მოსმენისას გააკეთა.
მისი განმარტებით 2011 წელს დაიწყება ბათუმის შემოვლითი გზის მშენებლობა, რითაც გარკვეული ტერიტორიები გამოთავისუფლდება, რაც ტურიზმის განვითარებისთვის და ახალი ტურისტული ობიექტების მშენებლობისთვის წინ გადადგმული ნაბიჯი იქნება. მინისტრი განმარტავს, რომ წლევანდელი მონაცემებით ტურისტების 35 პროცენტიანი მატება იყო რამაც საქართველოს მთავრობას დაანახა, რომ "ამ მიმართულებით დახარჯული ერთი ლარს შემდგომ ხუთჯერ მეტი მოგება მოაქვს საქართველს მოსახლეობისთვის".
"2011 წლისთვის პრიორიტეტი იქნება ასევე ბათუმში, ანაკლიაში, განმუხურში და ასევე სვანეთში ტურისტული ინფრასტრუქტურის განვითარების დაფინანსება რაც ქვეყანაში ტურიზმის განვითარებას შეუწყობს ხელს", - განაცხადა ბაინდურაშვილმა.
