კიბერუსაფთხოების საკითხზე თბილისში სამდღიანი საერთაშორისო კონფერენცია გაიხსნა.
კონფერენცია, რომლის თემაც საინფორმაციო ტექნოლოგიების განვითარება, ინფორმაციების გაცვლა და უსაფრთხოებაა, დღეს საქართველოს პრემიერ-მინისტრმა ნიკა გილაურმა გახსნა. მას 20-მდე ქვეყნის 250 წარმომადგენელი და ექსპერტი ესწრება.
"ჩვენ ბევრს ვაკეთებთ იმისთვის, რომ მაქსიმალურად კარგი პირობები შევუქმნათ ინვესტორებს და კერძო ბიზნესს განვითარებისთვის, მაგრამ ინვესტორების მხრიდან ერთ-ერთი მთავარი შეკითხვა სწორედ საინფორმაციო ტექნოლოგიების განვითარების დონესთან დაკავშირებით ისმის. დღეს საქართველოში საინფორმაციო ტექნოლოგიები ვითარდება. გვაქვს კარგი მიღწევები. ფინანსთა, შს და იუსტიციის სამინისტროების მაგალითზე ამ კუთხით რეგიონში ერთ-ერთი ლიდერი ქვეყანა ვართ", - განუცხადა გილაურმა ჟურნალისტებს კონფერენციის გახსნამდე.
მისივე განმარტებით, ასეთი ტიპის ღონისძიებები საუკეთესო ადგილია, რათა იდეებისა და გამოცდილების გაცვლა მოხდეს.
აღსანიშნავია, რომ კიბერუსაფრთხოების საკითხზე საერთაშორისო კონფერენცია საქართველოში წელს უკვე მესამედ იმართება.